روسی وزیرِ داخلہ پاکستان کا 4 روزہ دورہ مکمل کر کے واپس روانہ

روسی فیڈریشن کے وزیرِ داخلہ ولادیمیر کولا کولتسیف پاکستان کا چار روزہ اہم دورہ مکمل کر کے اپنے وطن روانہ ہو گئے ہیں۔ نور خان ایئربیس پر وفاقی وزیرِ داخلہ محسن نقوی نے اپنے روسی ہم منصب کو الوداع کیا۔ روانگی کے موقع پر روسی وزیرِ داخلہ نے شاندار مہمان نوازی پر پاکستان کا شکریہ ادا کرتے ہوئے کہا کہ وہ پاکستان سے خلوص اور محبت کی یادیں لے کر جا رہے ہیں۔ وفاقی وزیرِ داخلہ محسن نقوی نے کہا کہ اس اہم دورے سے دونوں ممالک کے در میان دوطرفہ سیکیورٹی تعاون اور سفارتی تعلقات کو مزید فروغ ملے گا۔