ایمان مزاری اور عبدالہادی چٹھہ کے جیل ٹرائل کی منظوری

ایمان زینب مزاری اور ان کے شوہر عبدالہادی چٹھہ کے جیل ٹرائل کی باضابطہ منظوری دے دی گئی ہے، جس کے بعد چیف کمشنر اسلام آباد نے اس حوالے سے نوٹیفکیشن بھی جاری کر دیا ہے۔ جاری کردہ نوٹیفکیشن کے مطابق دونوں ملزمان کے خلاف انسدادِ دہشت گردی کی عدالت نمبر دو میں ٹرائل اڈیالہ جیل کے اندر ہی منعقد ہوگا۔ یہ منظوری ڈسٹرکٹ مجسٹریٹ اور ایس ایس پی ہیڈ کوارٹرز اسلام آباد کی جانب سے دائر کردہ درخواست پر دی گئی ہے۔ تھانہ کوہسار اور تھانہ آبپارہ میں درج ان مقدمات میں انسدادِ دہشت گردی ایکٹ سمیت دیگر سنگین دفعات شامل ہیں، اور اس وقت دونوں ملزمان اڈیالہ جیل میں قید ہیں۔