پشاور دیر کالونی اسکول حادثہ: ایل آر ایچ اسپتال میں 33 افراد جاں بحق اور 20 زخمی لائے گئے، ترجمان

پشاور کی دیر کالونی میں پیش آنے والے اسکول حادثے کے بعد لیڈی ریڈنگ اسپتال (ایل آر ایچ) کے ترجمان نے ہنگامی رپورٹ جاری کر دی ہے۔ رپورٹ کے مطابق حادثے کے بعد مجموعی طور پر 53 افراد کو ایل آر ایچ اسپتال لایا گیا، جن میں سے 33 افراد جاں بحق ہو چکے ہیں جبکہ 20 زخمی زیرِ علاج ہیں۔ ترجمان نے بتایا کہ جاں بحق ہونے والے 26 بچوں کی میتیں ورثاء کے حوالے کر دی گئی ہیں، جبکہ اسپتال میں لائے جانے والے 17 زخمیوں کو ابتدائی طبی امداد فراہم کی جا چکی ہے اور 3 زخمی افراد کی سرجری کی گئی ہے۔ ریسکیو اور طبی عملے کی جانب سے متاثرہ بچوں اور ان کے لواحقین کو ہر ممکن طبی امداد اور سہولیات فراہم کی جا رہی ہیں۔