LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن 12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی استنبول: ساتویں عالمی ویمن سمٹ، اعظم نذیر تارڑ کی قیادت میں پاکستانی وفد کی شرکت پاکستان 23 سے 26 نومبر تک اسلام آباد میں نیوکلیئر سیکیورٹی نیٹ ورک کے 15ویں سالانہ اجلاس کی میزبانی کرے گا پاکستان تحریک انصاف خیبر پختونخوا کے اراکینِ قومی اسمبلی کا اسلام آباد میں اہم اجلاس نئے صوبوں کا قیام ملک کی ترقی اور سلامتی کیلئے ناگزیر ہے: مصطفیٰ کمال محسن نقوی کا نادرا سنٹر پیکو روڈ کا دورہ، مسائل کے حل کیلیے موقع پر ہی احکامات جاری سرکاری قرضوں میں ایک سال کے دوران 6 ہزار 200 ارب روپے کا بھاری اضافہ ایران اور روس کے درمیان جوہری تعاون جاری رہے گا: روسی عہدیدار پرتگال کے وزیر مملکت اور وزیر خارجہ پاؤلو رینجل پاکستان پہنچ گئے لاڑکانہ میں ضمنی بلدیاتی انتخابات کیلئے 3 حلقوں میں پولنگ کا عمل شروع پاکستان کی بھارت سمیت تمام ایس سی او ممالک کو مکالمے کی دعوت پاسدارانِ انقلاب کا ڈرون حملوں میں امریکی پیٹریاٹ نظام کے 2 ریڈار تباہ کرنے کا دعویٰ

پاکستان چین سفارتی تعلقات کی 75ویں سالگرہ شایانِ شان انداز میں منانے کا فیصلہ

Web Desk

18 December 2025

اسلام آباد: وزارتِ خارجہ میں نائب وزیراعظم و وزیرِ خارجہ سینیٹر محمد اسحاق ڈار کی زیرِ صدارت ایک اہم اجلاس منعقد ہوا، جس میں پاکستان اور چین کے مابین سفارتی تعلقات کی 75ویں سالگرہ کی تیاریوں کا تفصیلی جائزہ لیا گیا۔

اجلاس میں نائب وزیراعظم اسحاق ڈار نے پاکستان اور چین کے سفارتی تعلقات کے 75 سال مکمل ہونے پر ملک بھر میں تقریبات کے انعقاد کی منظوری دے دی۔ اس موقع پر فیصلہ کیا گیا کہ اس تاریخی موقع کو شایانِ شان انداز میں منایا جائے گا تاکہ پاک چین دوستی کی طویل اور مثالی تاریخ کو اجاگر کیا جا سکے۔

وزارتِ خارجہ کے مطابق پاکستان اور چین مشترکہ تقریبات کا بھی انعقاد کریں گے، جن میں آل ویدر اسٹریٹجک کوآپریٹو پارٹنرشپ کی مناسبت سے مختلف مشترکہ سرگرمیاں شامل ہوں گی۔ دونوں ممالک کی جانب سے خصوصی تقریبات، سیمینارز اور ثقافتی پروگرام منعقد کیے جائیں گے، جن کا مقصد عوامی سطح پر پاک چین دوستی کو مزید فروغ دینا ہے۔

نائب وزیراعظم اسحاق ڈار نے اجلاس سے خطاب کرتے ہوئے کہا کہ پاکستان اور چین کی دوستی خطے میں امن، ترقی اور استحکام کی علامت ہے اور یہ تعلقات وقت کی ہر آزمائش پر پورا اترے ہیں۔ انہوں نے کہا کہ دونوں ممالک کے درمیان اسٹریٹجک شراکت داری کو مزید مضبوط بنانے کے لیے یہ تقریبات اہم کردار ادا کریں گی۔

دفترِ خارجہ کے مطابق پاکستان چین تعلقات کی 75ویں سالگرہ کو قومی سطح پر منانے کی تیاریاں مکمل کر لی گئی ہیں۔ اسلام آباد میں خصوصی سال کے اعلان کے ساتھ اس عزم کا اظہار کیا گیا کہ پاک چین دیرینہ تعلقات کو خراجِ تحسین پیش کرتے ہوئے مستقبل میں باہمی تعاون کے نئے باب کھولے جائیں گے۔