یوکرین کے روس پر رواں سال کے سب سے بڑے ڈرون حملے، 902 ڈرونز تباہ

روسی وزارتِ دفاع کے مطابق 14 اکتوبر کی علی الصبح یوکرینی افواج کی جانب سے مختلف روسی علاقوں اور بحیرۂ آزوف کی فضائی حدود کو نشانہ بنانے کے لیے بڑے پیمانے پر ڈرون حملے کیے گئے، جنہیں روس کے جدید ایئر ڈیفنس سسٹمز نے فضا ہی میں ناکام بنا دیا۔

روسی سرکاری خبر رساں ادارے ‘تاس’ (TASS) کی رپورٹ کے مطابق، روسی فضائی دفاعی نظام نے مختلف سرحدی و اندرونی علاقوں اور بحیرۂ آزوف کے اوپر مجموعی طور پر 902 یوکرینی ڈرونز کو روکا اور انہیں مکمل طور پر تباہ کر دیا۔ عسکری حکام کے مطابق یہ جاری سال (2026ء) کے دوران روس کی سرزمیں کو نشانہ بنانے کے لیے کیے جانے والے سب سے سنگین اور بڑے ڈرون حملوں میں سے ایک تھا۔

خبر رساں ادارے نے مزید بتایا کہ اس سے قبل 6 اکتوبر کی صبح بھی یوکرین کی جانب سے ایسا ہی سنگین حملہ کیا گیا تھا جس میں 868 ڈرونز مار گرانے کا دعویٰ کیا گیا تھا، جبکہ رواں سال کا سب سے بڑا ڈرون حملہ 20 ستمبر کو روسی پارلیمان کے ایوانِ زیریں (سٹیٹ ڈوما) کے انتخابات کے آخری روز ریکارڈ کیا گیا تھا جس میں 1,951 ڈرونز اور 8 میزائل تباہ کیے گئے تھے