یوکرین اور سٹار لنک پر پابندیاں امریکی حکومت لگاتی ہے، ایلون مسک

ٹیسلا اور اسپیس ایکس (SpaceX) کے سربراہ ایلون مسک نے واضح کیا ہے کہ یوکرین میں سیٹلائٹ انٹرنیٹ سروس ‘سٹار لنک’ (Starlink) کی فراہمی، فعال ہونے اور اس پر عائد پابندیوں سے متعلق تمام حتمی اختیارات صرف امریکی حکومت کے پاس ہیں۔

ایلون مسک کے مطابق سٹار لنک کے آپریشنز، نیٹ ورک کی رفتار اور جغرافیائی استعمال سے متعلق تمام اہم انتظامی و دفاعی فیصلے امریکی حکام، پینٹاگون اور امریکی صدر ڈونلڈ ٹرمپ کی انتظامیہ خود کرتی ہے۔ انہوں نے زور دے کر کہا کہ سٹار لنک کا بنیادی مقصد دفاعی مواصلات کو برقرار رکھنا ہے، تاہم اسے براہِ راست جارحانہ عسکری حملوں کے لیے استعمال نہیں ہونا چاہیے۔

ایلون مسک نے مزید وضاحت کی کہ سٹار لنک کا خصوصی ملٹری ورژ “سٹار شیلڈ” (Starshield) مکمل طور پر امریکی حکومت کی ملکیت ہے اور اس کا تمام تر آپریشنل کنٹرول بھی امریکی دفاعی ادارے ہی سنبھالتے ہیں۔