خلیجی ممالک میں کشیدگی، لاہور ایئرپورٹ سے متعدد پروازیں منسوخ

سعودی عرب اور خلیجی خطے میں کشیدگی اور فضائی آپریشن کی بندش کے باعث علامہ اقبال انٹرنیشنل ایئرپورٹ لاہور سے متعدد بین الاقوامی پروازیں منسوخ کر دی گئی ہیں۔ ایئرپورٹ ذرائع کے مطابق لاہور سے ریاض جانے والی نجی ایئرلائن کی پرواز XY 318، پرواز SV 743 اور RX 676 کے علاوہ دمام جانے والی قومی ایئرلائن کی پرواز PK 725 بھی منسوخ کر دی گئی ہے۔ اس کے علاوہ لاہور سے راس الخیمہ جانے والی پرواز G9 855 کی روانگی بھی معطل رہی ہے۔ پروازوں کی اچانک منسوخی کے باعث مسافروں کو شدید مشکلات کا سامنا ہے، اور ایوی ایشن حکام نے مسافروں کو ہدایت کی ہے کہ وہ ایئرپورٹ روانہ ہونے سے پہلے اپنی متعلقہ ایئرلائن سے فلائٹ کی تازہ ترین صورتحال کی تصدیق ضرور کر لیں۔