چاند نظر آگیا، پاکستان میں کل یکم جمادی الاول ہوگی

پاکستان میں جمادی الاوّل 1448 ہجری کا چاند باضابطہ طور پر نظر آ گیا ہے، جس کے بعد ماہِ جمادی الاوّل کا آغاز منگل 13 اکتوبر کو ہو گا۔ مرکزی رویت ہلال کمیٹی کا اجلاس چیئرمین مولانا عبدالخبیر آزاد کی زیر صدارت لاہور میں منعقد ہوا، جس میں ملک کے مختلف حصوں سے موصول ہونے والی چاند کی شہادتوں کا تفصیلی جائزہ لیا گیا۔ اجلاس کے بعد میڈیا سے گفتگو کرتے ہوئے چیئرمین رویت ہلال کمیٹی مولانا عبدالخبیر آزاد نے چاند نظر آنے کی شہادتیں ملنے کی تصدیق کی اور باضابطہ اعلان کیا کہ ملک بھر میں یکم جمادی الاوّل 1448 ہجری منگل 13 اکتوبر کو ہو گی۔