خیبر پختونخوا میں ایمرجنسی کے نفاذ کے بعد جے یو آئی کی کور کمیٹی کا اہم اجلاس طلب؛ مولانا فضل الرحمان میڈیا بریفنگ دیں گے

جمعیت علمائے اسلام (جے یو آئی) نے ملک کی خصوصاً خیبر پختونخوا کی تازہ ترین اور حساس سیاسی و آئینی صورتحال پر مشاورت کے لیے مرکزی کور کمیٹی کا اہم اجلاس طلب کر لیا ہے۔ ترجمان اسلم غوری کے مطابق یہ اہم اجلاس پارٹی سربراہ مولانا فضل الرحمان کی صدارت میں شام چار بجے ان کی رہائش گاہ پر منعقد ہوگا، جس میں ملک کی موجودہ سیاسی صورتحال، آئینی پیش رفت اور دیگر درپیش چیلنجز پر تفصیلی غور و خوص کے بعد آئندہ کا حتمی لائحہ عمل طے کیا جائے گا۔ ترجمان کا مزید کہنا تھا کہ اجلاس کے اختتام پر شام پانچ بجے مولانا فضل الرحمان اہم سیاسی موقف اور فیصلوں کے حوالے سے میڈیا بریفنگ دیں گے۔