کے پی میں بڑا بیوروکریٹک الٹ پھیر: پاکستان ایڈمنسٹریٹو سروس کے 15 اعلیٰ افسران کے صوبے سے تبادلے، اسٹیبلشمنٹ ڈویژن رپورٹ کرنے کی ہدایت

خیبر پختونخوا میں ایمرجنسی کے نفاذ اور چیف سیکرٹری کی تبدیلی کے بعد وفاقی حکومت نے بیوروکریسی میں بڑے پیمانے پر غیر معمولی تبدیلیاں کرتے ہوئے پاکستان ایڈمنسٹریٹو سروس (PAS) کے 15 سینئر افسران کا صوبے سے تبادلہ کر دیا ہے۔ وفاقی اسٹیبلشمنٹ ڈویژن کی جانب سے جاری کردہ الگ الگ نوٹیفکیشنز کے مطابق گریڈ 21 کے افسران اکرام اللہ اور عنبر علی خان، گریڈ 20 کے شاہد اللہ اور سہیل خان سمیت گریڈ 18 تا 19 کے متعدد اہم افسران (شاہ فہد، کیپٹن ر میاں عادل اقبال، کیپٹن ر سرمد سلیم اکرم، شفیع اللہ خان، کیپٹن ر زبیر خان، وقار علی، کیپٹن ر ثناء اللہ خان، محمد احتشام الحق، محمد فہیم اور محمد عثمان) کا خیبر پختونخوا سے تبادلہ کر کے انہیں فوری طور پر اسٹیبلشمنٹ ڈویژن اسلام آباد رپورٹ کرنے کی ہدایت کی گئی ہے۔ اس بڑی انتظامی سرجری کا مقصد صوبے میں حکومتی رٹ کی بحالی اور امن و امان کی صورتحال کے تناظر میں انتظامی ڈھانچے کی ازسرِنو تنظیمِ نو کرنا ہے۔