سکیورٹی فورسز نے افغانستان سے اسلحہ سمگلنگ کی کوشش ناکام بنا دی

سیکیورٹی فورسز اور ایف سی بلوچستان نے ‘آپریشن رد الفتنۃ 3’ کے تحت ضلع پشین میں انٹیلی جنس بیسڈ مشترکہ کارروائی کرتے ہوئے افغانستان سے اسلحہ و گولہ بارود سمگل کرنے کا بڑا منصوبہ ناکام بنا دیا ہے۔ سیکیورٹی ذرائع کے مطابق پشین کے علاقے سرانان میں ایک گودام پر چھاپہ مار کر اسلحے سے بھری گاڑی قبضہ میں لے لی گئی، جس سے 3 آر پی جی، 4 لائٹ مشین گنز، دستی بم، راکٹس اور بھاری مقدار میں ناریہ مواد برآمد ہوا۔ ذرائع کا کہنا ہے کہ کارروائی کے بعد علاقے میں دہشت گرد عناصر کی ممکنہ موجودگی کے پیشِ نظر سرچ آپریشن جاری ہے، جبکہ سیکیورٹی فورسز نے بلوچستان میں امن و استحکام اور دہشت گردی کے مکمل خاتمے کے لیے اپنے پختہ عزم کا اعادہ کیا ہے۔