دہلی میں کاکروچ پارٹی کا احتجاج، 250 ٹرینیں منسوخ، 57 میٹرو سٹیشنز بند

بھارت کے دارالحکومت نئی دہلی میں کاکروچ جنتا پارٹی کی جانب سے انتخابی اصلاحات اور چیف الیکشن کمشنر کے استعفے کے مطالبے پر بڑے احتجاج کی کال کے بعد مودی حکومت نے سخت سکیورٹی اقدامات کرتے ہوئے نئی دہلی اور حضرت نظام الدین ریلوے اسٹیشنوں کی 250 سے زائد ٹرینیں منسوخ کر دیں جبکہ دہلی میٹرو کے 57 اسٹیشنوں کے راستے بند کر دیے گئے ہیں۔ مظاہرے کو روکنے کے لیے پولیس نے پارٹی کے بانی ابھجیت ڈِپکے، سوروو داس، آشوتوش اور معروف یوٹیوبر دھروو راٹھی سمیت سینکڑوں مظاہرین کو گرفتار کر لیا ہے۔ جنتر منتر کے اطراف کی تمام سڑکیں رکاوٹیں لگا کر سیل کر دی گئی ہیں، دفعہ 163 کے نفاذ کے ساتھ 20 ہزار سے زائد اہلکار تعینات کر کے موبائل انٹرنیٹ سروس بھی معطل کر دی گئی ہے۔ اتنے بڑے پیمانے پر ٹرینوں کی منسوخی کے فیصلے پر مسافروں اور ریلوے یونینوں نے شدید تشویش اور تنقید کا اظہار کیا ہے۔