بجلی اور گیس کے موجودہ سلیب اور کراس سبسڈی نظام ختم کرنے کی تیاری

بین الاقوامی مالیاتی فنڈ (IMF) کی شرائط و ہدایات کے تحت پاکستان کے توانائی کے شعبے میں بڑے پیمانے پر اصلاحاتی عمل تیز کر دیا گیا ہے، جس کے تحت بجلی اور گیس کے موجودہ سلیب اور کراس سبسڈی کے نظام کو مکمل طور پر ختم کرنے کی تیاری کی جا رہی ہے۔ نئے منصوبے کے تحت بجلی کی سبسڈی کا نیا طریقہ کار جنوری 2027ء اور گیس کا نیا نظام یکم جولائی 2027ء سے نافذ العمل ہوگا تاکہ رعایت صرف واقعی مستحق اور کم آمدنی والے طبقے تک محدود کی جا سکے۔ اس عمل کو شفاف بنانے کے لیے پاور ڈویژن عالمی بینک کے تعاون سے شہریوں کا سماجی و اقتصادی ڈیٹا اکٹھا کر کے نومبر تک ایک نئی رجسٹری بنائے گا جسے بے نظیر انکم سپورٹ پروگرام (BISP) سے منسلک کیا جائے گا۔ گردشی قرضوں کے مستقل خاتمے اور شعبے کی بہتری کے لیے حکومت نے ڈسکوز (DISCOs) کے ٹیرف میں ایڈجسٹمنٹ اور نجکاری کے منصوبوں پر بھی آئی ایم ایف کو اعتماد میں لے لیا ہے۔