سزاۓ موت کی لائیو نشریات کا امریکی منصوبہ: عالمی برادری اور اقوامِ متحدہ کی شدید مذمت،

امریکی انتظامیہ کی جانب سے فائرنگ اسکواڈ کے ذریعے دی جانے والی سزاۓ موت کی لائیو نشریات کے اعلان پر عالمی سطح پر شدید تنقید اور مذمت کی جا رہی ہے۔ پینٹاگون کی جانب سے فورٹ ہوڈ ملٹری بیس پر 13 افراد کو قتل کرنے کے جرم میں سزا یافتہ نضال ملک حسن کی 3 دسمبر کو سزاۓ موت کی لائیو نشریات دکھانے کے منصوبے کی تصدیق کی گئی ہے۔ اقوامِ متحدہ کے انسانی حقوق کے کمیشن سمیت دنیا بھر کے سیاسی و مذہبی رہنماؤں نے اس اقدام کی سخت الفاظ میں مذمت کرتے ہوئے اسے انسانی حقوق کی سنگین خلاف ورزی اور “قرونِ وسطیٰ کا بربرانہ عمل” قرار دیا ہے۔ برطانیہ سمیت متعدد اتحادی ممالک اور امریکی اپوزیشن رہنماؤں نے اسے جمہوری اقدار کے منافی قرار دیتے ہوئے کہا ہے کہ اس نوعیت کا اقدام امریکہ کے قانونی نظام اور عالمی امیج کے لیے انتہائی نقصان دہ ثابت ہوگا۔