گوگل کا اے آئی پلے گراؤنڈ، صرف خیال بتا کر اپنا گیم تیار کرنا ممکن

گوگل نے ایک نیا تجرباتی اے آئی ٹول ’پلے گراؤنڈ‘ متعارف کرایا ہے، جس کے ذریعے بغیر کسی پروگرامنگ یا پیچیدہ کوڈنگ کی مہارت کے صرف خیالات اور پرومپٹس کی مدد سے گیمز تیار کی جا سکتی ہیں۔ اس ٹول کے تحت صارفین اپنی گیم کا خیال اور مطلوبہ آرٹ اسٹائل درج کر کے اسے ایک قابلِ کھیل گیم میں تبدیل کر سکتے ہیں، جسے بعد میں براؤزر کے ذریعے موبائل یا لیپ ٹاپ پر کھیلا جا سکتا ہے۔ تیار کردہ گیمز کو نہ صرف دوستوں کے ساتھ شیئر کیا جا سکتا ہے بلکہ پلے گراؤنڈ گیلری میں شائع بھی کیا جا سکتا ہے جہاں دوسرے صارفین کی بنائی گئی گیمز کھیلنے کا آپشن بھی موجود ہے۔ فی الحال یہ تجرباتی اے آئی ٹول امریکا میں 18 سال سے زائد عمر کے صارفین کے لیے ویب سائٹ پر دستیاب ہے۔