پاکستان اور سری لنکا کے درمیان پہلا ٹی 20 میچ آج کھیلا جائے گا

پاکستان اور سری لنکا کے درمیان 3 میچوں پر مشتمل ٹی 20 سیریز کا آج سے راولپنڈی کرکٹ سٹیڈیم میں باضابطہ آغاز ہو رہا ہے۔ دونوں ٹیموں کے درمیان پہلا ٹی 20 میچ آج شام 6 بجے کھیلا جائے گا، جس سے قبل سیریز کی ٹرافی کی رونمائی کی تقریب منعقد ہوئی جہاں دونوں ٹیموں کے کپتانوں نے ٹرافی کے ساتھ تصاویر بنوائیں۔ قومی ٹیم کے کپتان صاحبزادہ فرحان نے عزم ظاہر کیا ہے کہ وہ بطور کپتان بہترین پرفارم کریں گے اور ٹیم ایک متوازن سکواڈ کے ساتھ میدان میں اترے گی۔ سیریز کے تمام میچز پی سی بی لائیو پر براہِ راست نشر کیے جائیں گے، جبکہ دوسرا میچ 11 اور تیسرا میچ 13 اکتوبر کو راولپنڈی میں ہی کھیلا جائے گا۔