جعلی دستاویزات پر مالدووا سے ڈیپورٹ ہونے والا مسافر کراچی ایئرپورٹ پر گرفتار
Web Desk
17 December 2025
ایف آئی اے امیگریشن نے جناح انٹرنیشنل ایئرپورٹ پر کارروائی کے دوران جعلی دستاویزات پر مالدووا سے ڈیپورٹ ہونے والے مسافر محمد احمد کو گرفتار کر لیا۔ ایف آئی اے کے ترجمان کے مطابق ملزم نے غیر قانونی طور پر یورپ جانے کی کوشش کی تھی اور ابتدائی تفتیش میں معلوم ہوا کہ وہ عدنان شریف نامی ایجنٹ سے رابطے میں تھا، جس نے 30 لاکھ روپے کے عوض غیر قانونی طریقے سے یورپ بھیجنے کا وعدہ کیا تھا۔
گرفتار ملزم نے سیالکوٹ انٹرنیشنل ایئرپورٹ سے وزٹ ویزے پر بحرین کا سفر کیا، جس کے بعد ایجنٹ نے اسے بحرین سے آذربائیجان اور پھر مالدووا بھیجا، جہاں اسے جعلی سفری دستاویزات کی بنیاد پر امیگریشن اتھارٹی نے ڈیپورٹ کر دیا۔ ملزم نے مزید انکشاف کیا کہ ایجنٹ اسے مالدووا سے غیر قانونی سرحدی راستوں کے ذریعے دیگر یورپی ممالک منتقل کرنے کا منصوبہ رکھتا تھا۔
ایف آئی اے امیگریشن کراچی نے ملزم کو مزید تحقیقات کے لیے اینٹی ہیومن ٹریفکنگ سرکل کراچی کے حوالے کر دیا ہے، جبکہ عوام سے بھی کہا گیا ہے کہ وہ غیر قانونی ایجنٹس سے بچیں اور ایسے کسی بھی معاملے کی اطلاع فوری طور پر متعلقہ حکام کو دیں۔
متعلقہ عنوانات
پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا
22 November 2026
مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن
22 November 2026
12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی
22 November 2026
ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی
22 November 2026
استنبول: ساتویں عالمی ویمن سمٹ، اعظم نذیر تارڑ کی قیادت میں پاکستانی وفد کی شرکت
22 November 2026
پاکستان 23 سے 26 نومبر تک اسلام آباد میں نیوکلیئر سیکیورٹی نیٹ ورک کے 15ویں سالانہ اجلاس کی میزبانی کرے گا
22 November 2026
پاکستان تحریک انصاف خیبر پختونخوا کے اراکینِ قومی اسمبلی کا اسلام آباد میں اہم اجلاس
22 November 2026
نئے صوبوں کا قیام ملک کی ترقی اور سلامتی کیلئے ناگزیر ہے: مصطفیٰ کمال
22 November 2026