LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن 12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی استنبول: ساتویں عالمی ویمن سمٹ، اعظم نذیر تارڑ کی قیادت میں پاکستانی وفد کی شرکت پاکستان 23 سے 26 نومبر تک اسلام آباد میں نیوکلیئر سیکیورٹی نیٹ ورک کے 15ویں سالانہ اجلاس کی میزبانی کرے گا پاکستان تحریک انصاف خیبر پختونخوا کے اراکینِ قومی اسمبلی کا اسلام آباد میں اہم اجلاس نئے صوبوں کا قیام ملک کی ترقی اور سلامتی کیلئے ناگزیر ہے: مصطفیٰ کمال محسن نقوی کا نادرا سنٹر پیکو روڈ کا دورہ، مسائل کے حل کیلیے موقع پر ہی احکامات جاری سرکاری قرضوں میں ایک سال کے دوران 6 ہزار 200 ارب روپے کا بھاری اضافہ ایران اور روس کے درمیان جوہری تعاون جاری رہے گا: روسی عہدیدار پرتگال کے وزیر مملکت اور وزیر خارجہ پاؤلو رینجل پاکستان پہنچ گئے لاڑکانہ میں ضمنی بلدیاتی انتخابات کیلئے 3 حلقوں میں پولنگ کا عمل شروع پاکستان کی بھارت سمیت تمام ایس سی او ممالک کو مکالمے کی دعوت پاسدارانِ انقلاب کا ڈرون حملوں میں امریکی پیٹریاٹ نظام کے 2 ریڈار تباہ کرنے کا دعویٰ

جیل سپرنٹنڈنٹ اتنا پاور فل ہے کہ وزیراعلیٰ بھی عمران خان سے نہیں مل سکتے، شفیع جان

Web Desk

17 December 2025

خیبر پختونخوا کے معاون خصوصی برائے اطلاعات شفیع جان نے کہا ہے کہ جیل سپرنٹنڈنٹس اس قدر طاقتور ہو چکے ہیں کہ وہ وزیرِ اعلیٰ خیبر پختونخوا کو بھی بانیٔ پی ٹی آئی عمران خان سے ملاقات سے روک رہے ہیں۔ نجی ٹی وی کو دیے گئے انٹرویو میں شفیع جان نے کہا کہ وزیرِ اعلیٰ سہیل آفریدی اس سے قبل واضح کر چکے ہیں کہ اگر وفاق خیبر پختونخوا میں گورنر راج لگانا چاہتا ہے تو شوق پورا کر لے۔

شفیع جان نے سوال اٹھایا کہ صوبے میں ایسے کون سے غیر معمولی حالات ہیں جن کی بنیاد پر گورنر راج لگانے کی بات کی جا رہی ہے۔ ان کا کہنا تھا کہ وزیرِ اعلیٰ خیبر پختونخوا کے وفاق کے ساتھ ورکنگ ریلیشن شپ اس حد تک موجود ہیں جتنے ہونے چاہئیں، تاہم اس کے باوجود وزیرِ اعلیٰ سہیل آفریدی کو عمران خان سے ملاقات کی اجازت نہیں دی جا رہی۔ انہوں نے بتایا کہ وزیرِ اعلیٰ ہر جمعرات ملاقات کیلئے جاتے ہیں، مگر آج وہ نہیں جا رہے۔

معاون خصوصی برائے اطلاعات کے مطابق حکومت نے وزیراعظم سے بھی فون پر ملاقات کرانے کی درخواست کی، تاہم اب تک کوئی جواب موصول نہیں ہوا۔ شفیع جان کا کہنا تھا کہ جیل سپرنٹنڈنٹس نہ صرف آئین بلکہ ہائی کورٹ کے احکامات کو بھی نظر انداز کر رہے ہیں، جو ایک سنگین صورتحال کی نشاندہی کرتا ہے۔

انہوں نے مزید کہا کہ تحریک سے متعلق ذمہ داری محمود خان اچکزئی اور علامہ ناصر عباس کو سونپی گئی ہے اور ان دونوں کی جانب سے جو بھی فیصلہ کیا جائے گا، پارٹی اسے قبول کرے گی اور اسی کے مطابق آئندہ کا لائحہ عمل طے کیا جائے گا۔ شفیع جان کے مطابق بانیٔ پی ٹی آئی کے بیٹوں نے بھی جنوری میں پاکستان آنے کا عندیہ دیا ہے۔