خواجہ آصف سے ایتھوپیا، روانڈا اور تاجکستان کے سفارتی نمائندوں کی ملاقاتیں

وفاقی وزیرِ دفاع خواجہ محمد آصف سے ایتھوپیا، روانڈا اور تاجکستان کے سفارتی نمائندوں نے راولپنڈی میں الگ الگ اہم ملاقاتیں کی ہیں، جن میں دفاعی تعلقات کو وسعت دینے اور باہمی تعاون کے فروغ پر تفصیلی تبادلہ خیال کیا گیا۔ ترجمان وزارت دفاع کے مطابق ملاقات کرنے والوں میں ایتھوپیا کے سفیر ڈاکٹر اومر حسین اوبا، روانڈا کی ہائی کمشنر ہریریمانا فاتو اور تاجکستان کے سفیر یوسف شریف زودہ شامل تھے۔

ان ملاقاتوں کے دوران بالخصوص دفاعی پیداوار، ملٹری ٹریننگ اور ہوا بازی (ایوی ایشن) کے شعبوں میں تعاون کو دوطرفہ سطح پر بڑھانے کی تجاویز پر غور کیا گیا۔ اس موقع پر وزیرِ دفاع خواجہ آصف نے کہا کہ پاکستان افریقی اور وسطی ایشیائی ممالک کے ساتھ اپنے اقتصادی و دفاعی تعلقات کو پائیدار بنیادوں پر مستحکم کرنے کی پالیسی پر گامزن ہے۔ سفارتی نمائندوں نے پاکستان کی جانب سے جاری تعاون کو سراہتے ہوئے دفاعی شراکت داری کو نئی بلندیوں پر لے جانے کی خواہش ظاہر کی ہے