گوادر پورٹ سے زمینی تجارتی سرگرمیوں کے فروغ کے لیے اہم پیش رفت

گوادر پورٹ سے زمینی اور ترانزٹ تجارتی سرگرمیوں کو فعال بنانے اور درپیش درامد و برآمدی رکاوٹوں کو دور کرنے کے لیے ایک اعلیٰ سطحی اجلاس ڈائریکٹوریٹ جنرل ٹرانزٹ ٹریڈ کسٹم ہاؤس کراچی میں منعقد ہوا。 گوادر پورٹ اتھارٹی (GPA) کے چیئرمین نورالحق بلوچ کی زیر صدارت منعقدہ اس اہم اجلاس میں پاکستان کسٹمز، چیمبرز آف کامرس، تاجر برادری اور کلیئرنگ ایجنٹس کے نمائندگان نے بڑی تعداد میں شرکت کی۔ اجلاس میں خاص طور پر گوادر پورٹ کے ذریعے ایرانی ٹرانزٹ ٹریڈ، ٹی آئی آر (TIR) سسٹم اور تجارتی آمدورفت کو آسان اور مؤثر بنانے کے لیے عملی اقدامات پر تفصیلی مشاورت کی گئی۔

اجلاس کے دوران تاجروں اور کلیئرنگ ایجنٹس نے بندرگاہ سے زمینی تجارت کی راہ میں حائل عملی مسائل اور تحفظات سے آگاہ کیا، جس پر حکام نے تجارتی کارروائیوں کو بلا تعطل جاری رکھنے کی یقین دہانی کرائی۔ سرکاری اعلامیے کے مطابق، مسائل کے فوری حل اور حتمی حکمتِ عملی کی منظوری کے لیے اگلا اہم اجلاس جلد گوادر پورٹ پر منعقد کیا جائے گا، جہاں تمام متعلقہ اسٹیک ہولڈرز اور تاجر اپنے حتمی مسائل و تجاویز پیش کریں گے تاکہ گوادر کو خطے کا فعال ترین ٹرانزٹ ٹریڈ ہب بنایا جا سکے