وفاقی آئینی عدالت میں بشریٰ بی بی کی ضمانت، سہیل آفریدی کی نااہلی کے کیسز سماعت کیلئے مقرر

وفاقی آئینی عدالت نے 190 ملین پاؤنڈ ریفرنس میں بشریٰ بی بی کی سزا معطلی و ضمانت اور وزیراعلیٰ خیبر پختونخوا سہیل آفریدی کی نااہلی سے متعلق اہم آئینی درخواستیں سماعت کے لیے مقرر کر دی ہیں۔ وفاقی آئینی عدالت میں بشریٰ بی بی کی اپیل پر سماعت 15 اکتوبر کو ہو گی، جس کی سماعت جسٹس امین الدین خان اور جسٹس علی باقر نجفی پر مشتمل دو رکنی بینچ کرے گا۔ بشریٰ بی بی کی قانونی ٹیم نے سلمان صفدر ایڈووکیٹ کے ذریعے اسلام آباد ہائی کورٹ کے فیصلے کے خلاف اپیل دائر کی تھی۔

دوسری جانب، چیف جسٹس امین الدین خان کی سربراہی میں بینچ 15 اکتوبر کو ہی وزیراعلیٰ خیبر پختونخوا سہیل آفریدی کی تقرری اور نااہلی سے متعلق کیس کی بھی سماعت کرے گا۔ یہ درخواست ایڈووکیٹ شیر افضل مروت کی جانب سے دائر کی گئی ہے، جس میں مؤقف اختیار کیا گیا ہے کہ قانون کے مطابق سزا یافتہ شخص کسی بھی اہم عمومی یا آئینی عہدے پر نامزدگی کا قانونی اختیار نہیں رکھتا۔