جاوید ہاشمی کا گھر کے محاصرے کا دعویٰ: “تمام رکاوٹیں توڑ کر چونگی نمبر 9 ملتان پہنچوں گا

سینئر سیاستدان مخدوم جاوید ہاشمی نے دعویٰ کیا ہے کہ ان کی رہائش گاہ کو ایجنسیوں کے اہلکاروں اور درجنوں گاڑیوں نے گھیر لیا ہے۔ سوشل میڈیا پر جاری اپنے ایک بیان میں انہوں نے بتایا کہ 30 سے 40 ویگو ڈالے اور سینکڑوں کی تعداد میں سادہ کپڑوں میں ملبوس اہلکار ان کے گھر کے باہر موجود ہیں۔

جاوید ہاشمی نے سیکیورٹی اداروں کو تنقید کا نشانہ بناتے ہوئے کہا کہ “یہ کام آپ کے کرنے کے نہیں ہیں”۔ انہوں نے اعلان کیا کہ وہ تمام تر رکاوٹوں اور حصار کو عبور کر کے طے شدہ پروگرام کے مطابق شام 5 بجے چونگی نمبر 9، ملتان پہنچیں گے۔