وزیرِخارجہ سے بحرینی ہم منصب کی ملاقات، تجارت و سرمایہ کاری بڑھانے پر اتفاق

ائب وزیراعظم و وزیر خارجہ سینیٹر محمد اسحاق ڈار سے بحرین کے وزیر خارجہ ڈاکٹر عبداللطیف بن راشد الزیانی نے اسلام آباد میں اہم ملاقات کی، جس میں دونوں برادر ممالک کے مابین تجارت، معاشی شراکت داری اور سرمایہ کاری کو مزید وسعت دینے پر اتفاق کیا گیا۔ ترجمان دفتر خارجہ کے مطابق وزارتِ خارجہ میں ہونے والی اس ملاقات میں دوطرفہ تعلقات کی مجموعی صورتحال کا تفصیلی جائزہ لیا گیا اور اعلیٰ سطح کے سفارتی رابطوں میں مثبت پیش رفت پر اطمینان کا اظہار کیا گیا۔

ملاقات میں کثیرالجہتی بین الاقوامی فورمز پر مشترکہ مفادات کے تحفط اور علاقائی و عالمی چیلنجز پر تبادلہ خیال کیا گیا۔ دونوں وزرائے خارجہ نے اس امر پر زور دیا کہ درپیش تمام تر عالمی تنازعات اور سیاسی اختلافات کا حل صرف مذاکرات اور سفارت کاری کے ذریعے ہی ممکن ہے۔ فریقین نے باہمی مفاد کے تمام شعبوں، بالخصوص اقتصادی و تجارتی روابط کو فروغ دے کر شراکت داری کو نئی بلندیوں پر لے جانے کے عزم کا اعادہ کیا۔