امریکی وزیر دفاع کا یو ایس ایس ابراہم لنکن کے عملے کو خراج تحسین

امریکی وزیرِ دفاع پیٹ ہیگستھ نے مشرقِ وسطیٰ اور بین الاقوامی سمندری حدود میں تعینات امریکی بحریہ کے طیارہ بردار جہاز ‘یو ایس ایس ابراہم لنکن’ (USS Abraham Lincoln) کیریئر اسٹرائیک گروپ کے عملے کی غیر معمولی کارکردگی کو سراہتے ہوئے انہیں زبردست خراجِ تحسین پیش کیا ہے۔

امریکی وزیرِ دفاع کے مطابق لنکن کیریئر اسٹرائیک گروپ نے اپنے آپریشنز کے دوران مجموعی طور پر 10 ہزار پروازیں اور 23 ہزار سے زائد جنگی فلائنگ آورز (Combat Hours) مکمل کیے۔ اس کے علاوہ اسٹرائیک گروپ کے طیاروں نے خطے میں سیکیورٹی اور اتحادیوں کے دفاع کے لیے 4 ہزار سے زائد جنگی مشنز کامیابی سے انجام دیے۔ پیٹ ہیگستھ نے اہلکاروں کی شجاعت، لگن اور پیشہ ورانہ صلاحیتوں کا اعتراف کرتے ہوئے عملے کے لیے اعلیٰ ترین امریکی صدارتی اعزاز (Presidential Unit Citation) دینے کا بھی باضابطہ اعلان کیا ہے۔