جنوبی افریقہ سے 20 رکنی وفد کی پاکپتن آمد، دربار بابا فریدؒ پر حاضری

جنوبی افریقہ سے تعلق رکھنے والے زائرین اور عقیدت مندوں پر مشتمل 20 رکنی غیر ملکی وفد پاکپتن پہنچ گیا ہے۔ محکمہ اوقاف اور مقامی انتظامیہ کے حکام نے ضلع پاکپتن آمد پر غیر ملکی وفد کا گرمجوشی اور شاندار انداز میں استقبال کیا۔

محکمہ اوقاف کی انتظامیہ کے مطابق، خواتین اور بچوں پر مشتمل اس 20 رکنی وفد نے برصغیر کے مشہور صوفی بزرگ حضرت بابا فرید الدین مسعود گنج شکرؒ کے دربارِ عالیہ پر حاضری دی، چادر پوشی کی اور فاتحہ خوانی کی۔ غیر ملکی زائرین کی آمد کے موقع پر پولیس اور سیکیورٹی اداروں کی جانب سے دربار کے اطراف سیکیورٹی کے سخت اور فول پروف انتظامات کیے گئے تھے تاکہ زائرین کی محفوظ آمد و رفت اور زیارت کو یقینی بنایا جا سکے۔