روس کا مغربی یورپ کے ساتھ مسلح تنازع شروع کرنے کا کوئی منصوبہ نہیں، ماریہ زخارووا

روسی وزارتِ خارجہ کی ترجمان ماریہ زاخارووا نے واضح کیا ہے کہ ماسکو کا مغربی یورپ کے ساتھ کسی قسم کے مسلح تصادم کا کوئی منصوبہ نہیں ہے اور نہ ہی روس کسی ملک کے لیے سیکیورٹی خطرہ ہے۔ ہفتہ وار پریس بریفنگ کے دوران جرمن انٹیلی جنس ایجنسی کے سربراہ کے بیانات کو مسترد کرتے ہوئے انہوں نے کہا کہ جرمن حکام کے ایسے عوامی اور غیر ذمہ دارانہ مفروضے ثابت کرتے ہیں کہ یورپ واقعی خود ساختہ خطرات سے دوچار ہے۔

ماریہ زاخارووا نے کہا کہ صدر ولادیمیر پوتن اور وزیرِ خارجہ سرگئی لاوروف متعدد بار یہ موقف دہرا چکے ہیں کہ روس کسی کو دھمکی نہیں دے رہا۔ انہوں نے یورپ پر تیزی سے عسکریت پسندی کی طرف بڑھنے اور عوام میں روس مخالف جذبات بھڑکانے کا الزام عائد کیا۔ تاہم، انہوں نے خبردار کیا کہ اگر مغربی یورپ یا یورپی یونین نے روس کے خلاف کوئی جارحیت کی، تو اس کا انتہائی سخت اور مکمل جواب دیا جائے گا۔