ڈی جی آئی ایس پی آر کی سعودی عرب میں پاکستانی فوجی دستوں کی موجودگی کی تصدیق

ڈی جی آئی ایس پی آر لیفٹیننٹ جنرل احمد شریف چوہدری نے عالمی خبر رساں ادارے سی این این کو دیے گئے انٹرویو میں سعودی عرب میں پاکستانی فوجی دستوں کی موجودگی کی باضابطہ تصدیق کر دی ہے۔ انہوں نے بتایا کہ پاکستان اور سعودی عرب کے درمیان کئی دہائیوں پر محیط دیرینہ دفاعی تعلقات قائم ہیں، اور اسی تناظر میں پاکستانی فوجی دستے بھی طویل عرصے سے سعودی عرب میں تعینات ہیں۔ لیفٹیننٹ جنرل احمد شریف چوہدری کے مطابق یہ تعیناتی دونوں ممالک کے درمیان طے پانے والے ‘مکہ معاہدے’ کے تحت عمل میں آئی ہے، جس میں مختلف ڈومینز سے تعلق رکھنے والے فوجی دستے شامل ہیں اور اس سے دونوں برادر ممالک کے درمیان دفاعی روابط مزید مستحکم ہوئے ہیں۔