LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن 12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی استنبول: ساتویں عالمی ویمن سمٹ، اعظم نذیر تارڑ کی قیادت میں پاکستانی وفد کی شرکت پاکستان 23 سے 26 نومبر تک اسلام آباد میں نیوکلیئر سیکیورٹی نیٹ ورک کے 15ویں سالانہ اجلاس کی میزبانی کرے گا پاکستان تحریک انصاف خیبر پختونخوا کے اراکینِ قومی اسمبلی کا اسلام آباد میں اہم اجلاس نئے صوبوں کا قیام ملک کی ترقی اور سلامتی کیلئے ناگزیر ہے: مصطفیٰ کمال محسن نقوی کا نادرا سنٹر پیکو روڈ کا دورہ، مسائل کے حل کیلیے موقع پر ہی احکامات جاری سرکاری قرضوں میں ایک سال کے دوران 6 ہزار 200 ارب روپے کا بھاری اضافہ ایران اور روس کے درمیان جوہری تعاون جاری رہے گا: روسی عہدیدار پرتگال کے وزیر مملکت اور وزیر خارجہ پاؤلو رینجل پاکستان پہنچ گئے لاڑکانہ میں ضمنی بلدیاتی انتخابات کیلئے 3 حلقوں میں پولنگ کا عمل شروع پاکستان کی بھارت سمیت تمام ایس سی او ممالک کو مکالمے کی دعوت پاسدارانِ انقلاب کا ڈرون حملوں میں امریکی پیٹریاٹ نظام کے 2 ریڈار تباہ کرنے کا دعویٰ

ٹرمپ کے غزہ منصوبے پر آرمی چیف جنرل عاصم منیر دباؤ کا شکار

Web Desk

17 December 2025

پاکستان کے آرمی چیف فیلڈ مارشل عاصم منیر کو اپنے اختیارات میں غیر معمولی اضافے کے بعد ایک بڑے اور حساس امتحان کا سامنا ہے، کیونکہ امریکا پاکستان پر غزہ اسٹیبلائزیشن فورس کے لیے فوجی دستے فراہم کرنے پر زور دے رہا ہے، جس پر اندرونِ ملک شدید ردعمل کا خدشہ ظاہر کیا جا رہا ہے۔

خبر رساں ادارے رائٹرز کے مطابق فیلڈ مارشل عاصم منیر آئندہ چند ہفتوں میں واشنگٹن کا دورہ کر سکتے ہیں، جہاں ان کی امریکی صدر ڈونلڈ ٹرمپ سے چھ ماہ میں تیسری ملاقات متوقع ہے۔ ذرائع کے مطابق ملاقات میں غزہ فورس کے معاملے پر تفصیلی بات چیت ہوگی۔

صدر ٹرمپ کے 20 نکاتی غزہ منصوبے کے تحت مسلم ممالک پر مشتمل فورس غزہ میں عبوری استحکام، تعمیر نو اور معاشی بحالی کی نگرانی کرے گی، تاہم کئی ممالک اس مشن کو حماس کو غیر مسلح کرنے اور تنازع میں الجھنے کے خطرے کے باعث محتاط نظر آتے ہیں۔

تجزیہ کاروں کا کہنا ہے کہ اگر پاکستان دستے فراہم نہیں کرتا تو صدر ٹرمپ ناراض ہو سکتے ہیں، جبکہ فوجی شمولیت کی صورت میں پاکستان میں مذہبی اور سیاسی جماعتوں کی جانب سے شدید احتجاج کا خطرہ ہے۔

پاکستان کے وزیر خارجہ اسحاق ڈار اس سے قبل واضح کر چکے ہیں کہ پاکستان امن مشن پر غور تو کر سکتا ہے، مگر حماس کو غیر مسلح کرنا پاکستان کی ذمہ داری نہیں۔

رپورٹ کے مطابق جنرل عاصم منیر کو حالیہ آئینی ترامیم کے تحت غیر معمولی اختیارات، 2030 تک توسیع اور تاحیات قانونی تحفظ حاصل ہو چکا ہے، جس کے باعث فیصلہ سازی میں ان کا کردار مرکزی حیثیت اختیار کر چکا ہے۔

ماہرین خبردار کر رہے ہیں کہ غزہ میں کسی بھی فوجی شمولیت کی صورت میں پاکستان میں امریکا اور اسرائیل مخالف جذبات ایک بار پھر سڑکوں پر آ سکتے ہیں، جو حکومت اور فوج کے لیے ایک نیا داخلی چیلنج بن سکتے ہیں۔