ایران کیخلاف کارروائیوں میں کم از کم 81 امریکی فوجی طیاروں کو نقصان پہنچا: رپورٹ

ایران کے خلاف جاری تنازع میں امریکی فضائی طاقت کو بھاری نقصان پہنچنے کا انکشاف ہوا ہے۔ کانگریشنل ریسرچ سروس (CRS) کی ایک نئی رپورٹ کے مطابق اس لڑائی کے دوران کم از کم 81 امریکی فوجی طیارے یا تو مکمل طور پر تباہ ہوئے یا انہیں شدید نقصان پہنچا۔ متاثر ہونے والے اثاثوں میں جدید جنگی جیٹس، ہیلی کاپٹرز اور بغیر پائلٹ فضائی گاڑیاں شامل ہیں، جن میں سب سے بڑا نقصان 45 ‘ایم کیو-نائن ریپر’ (MQ-9 Reaper) ڈرونز کا ہے جو ایران کے خلاف کارروائیوں کے دوران ضائع ہوئے۔

رپورٹ کے مطابق امریکی فضائی نقصانات صرف براہ راست ایرانی حملوں تک محدود نہیں رہے، بلکہ مارچ میں کویت میں پیش آنے والے ایک فائرنگ کے واقعے میں 3 طیارے تباہ ہوئے جبکہ اپریل میں ایران کی فضائی حدود میں ایک ایف-15ای (F-15E) جنگی طیارہ بھی گر گیا۔ اس کے علاوہ، ستمبر میں اردن کے فضائی اڈے پر ایرانی حملے کے نتیجے میں 15 ایف-8 طیاروں کو نقصان پہنچا جنہیں بعد میں دوبارہ آپریشنل کر لیا گیا، جبکہ ایک ایف-35اے لائٹننگ II، دو اے-10 تھنڈر بولٹ II اور ایک کے سی-135 (KC-135) ریفیولنگ طیارہ بھی متاثر ہوا۔ دفاعی تجزیہ کاروں کے مطابق یہ اعداد و شمار اس روایتی تاثر کو چیلنج کرتے ہیں کہ جدید امریکی فضائی برتری جنگی نقصانات سے محفوظ رہ سکتی ہے، اور یہ ظاہر کرتے ہیں کہ طویل فاصلے کی نگرانی اور عسکری کارروائیوں میں استعمال ہونے والے امریکی وسائل بھی شدید خطرات سے دوچار ہیں۔