آزاد کشمیر اسمبلی کے ارکان نے حلف اٹھا لیا، مسائل باہمی تعاون سے حل کیے جائیں گے: وزیراعظم

مظفر آباد میں منعقدہ ایک پروقار تقریب کے دوران وزیراعظم محمد شہباز شریف نے آزاد جموں و کشمیر کونسل کے نومنتخب ارکان سے حلف لیا۔ تقریب میں صدر آزاد کشمیر محمد نجیب نقی، وزیراعظم آزاد کشمیر افتخار گیلانی اور وفاقی کابینہ کے ارکان نے بھی شرکت کی۔ تقریب سے خطاب کرتے ہوئے وزیراعظم شہباز شریف نے نئے ارکان کو مبارکباد دی اور اس بات پر زور دیا کہ کونسل وفاقی حکومت اور آزاد کشمیر کے درمیان ایک مضبوط پل کا کردار ادا کرتی ہے۔ انہوں نے کہا کہ آزاد کشمیر اسمبلی اب وجود میں آ چکی ہے اور قانون سازی کا احترام کیا جانا چاہیے، جبکہ عوامی مسائل کو باہمی تعاون اور مشاورت سے حل کیا جائے گا۔ وزیراعظم نے فیلڈ مارشل سید عاصم منیر کی قیادت میں افواج پاکستان کے تاریخی کردار کو سراہتے ہوئے آزاد کشمیر کی ترقی کے لیے وفاقی حکومت کے مکمل تعاون کا یقین دلایا۔