آزاد جموں و کشمیر میں پیپلز پارٹی کی تنظیم نو، چیئرمین بلاول بھٹو زرداری نے چار رکنی کمیٹی تشکیل دے دی

پاکستان پیپلز پارٹی کے چیئرمین بلاول بھٹو زرداری کی خصوصی ہدایت پر آزاد جموں و کشمیر میں پارٹی کی تنظیم نو کے لیے ایک چار رکنی اعلیٰ سطح کی کمیٹی قائم کر دی گئی ہے۔ پارٹی ذرائع کے مطابق اس کمیٹی میں مرکزی رہنماؤں نیئر بخاری، ہمایوں خان، ندیم افضل چن اور عاجز دھامراہ کو شامل کیا گیا ہے۔ یہ کمیٹی آزاد کشمیر کے تمام اضلاع کا دورہ کرے گی اور زمینی حقائق کا جائزہ لے کر تنظیم نو کے حوالے سے اپنی جامع سفارشات پارٹی چیئرمین کو پیش کرے گی تاکہ خطے میں پارٹی ڈھانچے کو مزید فعال بنایا جا سکے۔