امریکا کی اتحادی ممالک کو 2.27 ارب ڈالر کے فوجی سازو سامان کے فروخت کی منظوری

امریکی محکمہ خارجہ نے مشرق وسطیٰ کے تین اتحادی ممالک—متحدہ عرب امارات، کویت اور مصر—کو مجموعی طور پر 2.27 ارب ڈالر مالیت کے جدید فوجی سازوسامان، میزائل سسٹمز اور دفاعی خدمات کی ممکنہ فروخت کی منظوری دے دی ہے۔ واشنگٹن کی جانب سے کانگریس کو ان مجوزہ دفاعی معاہدوں کی باضابطہ اطلاع فراہم کر دی گئی ہے۔

اس منظوری کے تحت متحدہ عرب امارات (UAE) کو 1.04 ارب ڈالر کی لاگت سے 10,000 ’اے پی کے ڈبلیو ایس ٹو‘ (APKWS II) پریسیژن گائیڈنس سسٹمز اور متعلقہ فوجی تجهیزات فراہم کی جائیں گی۔ دوسری جانب کویت کے لیے 400 ملین ڈالر مالیت کے ’پیٹریاٹ‘ (Patriot) ایئر ڈیفنس میزائل نظام کی مرمت، دیکھ بھال اور فنی خدمات کی منظوری دی گئی ہے۔ اس کے علاوہ مصر کو 832 ملین ڈالر کے ’جیولن‘ (Javelin) اینٹی ٹینک میزائل سسٹمز اور دفاعی سامان کی فراہمی شامل ہے۔ امریکی حکام کے مطابق ان معاہدوں کا مقصد خطے میں موجود سیکیورٹی چیلنجز کے پیش نظر اتحادی ممالک کی دفاعی صلاحتیوں کو مضبوط بنانا ہے۔