پاور سیکٹر اصلاحات: اویس لغاری کی ایشیائی ترقیاتی بینک کے وفد سے ملاقات، مالی تعاون پر زور
Web Desk
17 December 2025
اسلام آباد: وفاقی وزیر برائے پاور اویس احمد خان لغاری سے ایشیائی ترقیاتی بینک (اے ڈی بی) کے سینٹرل اینڈ ویسٹ ایشیا ڈیپارٹمنٹ کی ڈائریکٹر جنرل محترمہ لیہ گٹیریس نے ملاقات کی، جس میں پاکستان کے بجلی کے شعبے کو درپیش اہم چیلنجز اور اصلاحاتی اقدامات پر تفصیلی تبادلہ خیال کیا گیا۔
وفاقی وزیر نے اے ڈی بی وفد کو پاور سیکٹر میں قرضوں کی ادائیگی، فنڈنگ، روپے کے کور اور ابتدائی اخراجات جیسے سنگین مسائل سے آگاہ کرتے ہوئے کہا کہ ان چیلنجز کے حل کے لیے ایشیائی ترقیاتی بینک کے تعاون کی اشد ضرورت ہے۔ انہوں نے بتایا کہ پاور ٹرانسمیشن سیکٹر میں نجی سرمایہ کاری کے لیے مقامی سرمایہ کاروں سے رابطے جاری ہیں اور اضافی بجلی کی پیداواری صلاحیت کو نظام سے نکال دیا گیا ہے۔
اویس لغاری نے واضح کیا کہ حکومت مزید بجلی نہیں خریدے گی اور بجلی کی خرید و فروخت کے لیے مسابقتی بجلی مارکیٹ متعارف کرائی جا رہی ہے۔ انہوں نے کہا کہ پاکستان نے 20 گیگاواٹ صاف توانائی کی طرف منتقلی کی ہے، تاہم اس کے لیے فنانسنگ اور گرڈ کے استحکام کے وسائل فراہم نہیں کیے گئے، جس کے باعث فوری اور مربوط مالی اقدامات ناگزیر ہیں۔
وفاقی وزیر کے مطابق بجلی کی طلب بڑھانے اور نجی شعبے کے استعمال میں اضافے کے لیے انرجی سرپلس پیکج متعارف کرایا گیا ہے، جبکہ اسمارٹ میٹرز کی تنصیب نجی شعبے کی شمولیت سے پبلک پرائیویٹ پارٹنرشپ ماڈل کے تحت کی جائے گی۔ انہوں نے کہا کہ نجی سرمایہ کاروں کا اعتماد بحال کرنا پاور سیکٹر اصلاحات کا ایک اہم ہدف ہے۔
اس موقع پر اے ڈی بی کی ڈائریکٹر جنرل لیہ گٹیریس نے کہا کہ ایشیائی ترقیاتی بینک اسمارٹ میٹرنگ اور ٹیکنالوجی کے انضمام میں پاکستان کی معاونت کا خواہاں ہے اور پبلک پرائیویٹ پارٹنرشپ کے تحت جامع اور اختتام تک حل فراہم کیے جا سکتے ہیں۔
متعلقہ عنوانات
پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا
22 November 2026
مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن
22 November 2026
12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی
22 November 2026
ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی
22 November 2026
استنبول: ساتویں عالمی ویمن سمٹ، اعظم نذیر تارڑ کی قیادت میں پاکستانی وفد کی شرکت
22 November 2026
پاکستان 23 سے 26 نومبر تک اسلام آباد میں نیوکلیئر سیکیورٹی نیٹ ورک کے 15ویں سالانہ اجلاس کی میزبانی کرے گا
22 November 2026
پاکستان تحریک انصاف خیبر پختونخوا کے اراکینِ قومی اسمبلی کا اسلام آباد میں اہم اجلاس
22 November 2026
نئے صوبوں کا قیام ملک کی ترقی اور سلامتی کیلئے ناگزیر ہے: مصطفیٰ کمال
22 November 2026