امریکا شرائط مان لے تو آبنائے ہرمز ایک ہفتے میں کھول دیں گے: عباس عراقچی

ایران کے وزیر خارجہ عباس عراقچی نے ایک بیان میں کہا ہے کہ اگر امریکا ایرانی شرائط تسلیم کرلے اور بحری ناکہ بندی ختم کردے تو آبنائے ہرمز کو ایک ہفتے کے اندر کھول دیا جائے گا۔ انہوں نے واضح کیا کہ جنگ کے خاتمے کا واحد راستہ منصفانہ اور باوقار مذاکرات ہیں جبکہ امریکا جنگ اور سفارت کاری دونوں محاذوں پر ناکام ہو چکا ہے۔ ایرانی وزیر خارجہ نے خبردار کیا کہ مزید پابندیوں سے مسائل حل نہیں ہوں گے اور کسی بھی ممکنہ امریکی جارحیت کا بھرپور مقابلہ کرنے کے لیے تہران مکمل طور پر تیار ہے۔