پاک بھارت سرحد پر بلااشتعال بھارتی فائرنگ، شہید پاکستانی شہریوں کی نمازِ جنازہ ادا

پاک بھارت سرحد پر بلااشتعال بھارتی فائرنگ کے نتیجے میں شہید ہونے والے دو پاکستانی شہریوں عظمت رسول اور محسن جٹ کی نمازِ جنازہ ادا کر دی گئی ہے، جس میں عوام کی بڑی تعداد نے شرکت کی۔ شہداء کو ان کے آبائی گاؤں جٹاں والی حویلی، لدھڑ (قصور) میں سپردِ خاک کر دیا گیا۔ اس موقع پر شہداء کے لواحقین اور سرحدی علاقوں کے مکینوں نے بھارتی فورسز کے اس گھناؤنے اور بزدلانہ اقدام کو شدید تنقید کا نشانہ بناتے ہوئے کہا کہ بھارتی فوج میں اگر ہمت ہے تو وہ پاکستانی قوم سے آمنے سامنے مقابلہ کرے۔