وزیراعظم کی نواز شریف سے ملاقات، اپوزیشن سے مذاکرات پر تبادلہ خیال

وزیراعظم شہباز شریف نے لاہور کے علاقے جاتی امراء میں مسلم لیگ (ن) کے صدر اور سابق وزیراعظم میاں محمد نواز شریف سے اہم ملاقات کی ہے۔ اس ملاقات میں وزیراعلیٰ پنجاب مریم نواز شریف بھی موجود تھیں۔ ذرائع کے مطابق ملاقات کے دوران ملک کی مجموعی سیاسی صورتحال پر تفصیلی تبادلہ خیال کیا گیا، جبکہ وزیراعظم شہباز شریف نے وزیر داخلہ سے ہونے والی بات چیت اور حکومت و اپوزیشن کے درمیان حالیہ مذاکرات اور پی ٹی آئی کے لانگ مارچ کے حوالے سے قائدِ مسلم لیگ ن کو مکمل تفصیلات سے آگاہ کیا۔