وزیراعلیٰ سہیل آفریدی نے مذاکراتی کمیٹی کو بھیجے ڈرافٹ کا مسودہ جاری کر دیا

خیبر پختونخوا کے وزیراعلیٰ نے کہا ہے کہ وفاقی حکومت کے ساتھ مذاکرات کے لیے پیش کردہ پی ٹی آئی کے مطالبات آئین و قانون کے دائرے میں ہیں اور کوئی بھی مطالبہ غیر قانونی نہیں۔ انہوں نے سوشل میڈیا پر اپنے مطالبات شیئر کیے جن میں وزیراعظم اور اپوزیشن رہنماؤں کی ملاقاتیں، سیاسی کمیٹی کا قیام، بانی پی ٹی آئی عمران خان اور بشریٰ بی بی کے انسانی و قانونی حقوق کی فراہمی، خواتین قیدیوں کی رہائی اور کے پی میں امن و امان کے قیام کے لیے مشترکہ حکمتِ عملی شامل ہے۔ مطالبات پورے ہونے تک لانگ مارچ جاری رکھنے کا اعلان کیا گیا ہے۔ دوسری جانب وفاقی وزیر داخلہ محسن نقوی نے ردعمل دیتے ہوئے کہا ہے کہ رات گئے گردش کرنے والے اس مسودے کا مقصد فریقین کے درمیان پہلے سے طے شدہ حتمی ڈرافٹس اور پلان کو سبوتاژ کرنا تھا۔