حکومتی کمیٹی سے مذاکرات کے پہلے روز کے بعد اپوزیشن قیادت کی اہم بیٹھک

حکومتی کمیٹی کے ساتھ پہلے روز کے مذاکرات کے اختتام کے فوراً بعد اپوزیشن کی قیادت کا ایک اہم اور مشاورت پر مبنی اجلاس منعقد ہوا، جس میں اپوزیشن کے مذاکراتی وفد نے تحرّکِ تحفظِ آئینِ پاکستان (ٹی ٹی اے پی) کے سربراہ اور قائدِ حزبِ اختلاف محمود خان اچکزئی سے ان کی رہائش گاہ پر تفصیلی ملاقات کی۔

ملاقات کے دوران اپوزیشن کے وفد نے محمود خان اچکزئی کو اسپیکر قومی اسمبلی کے دفتر میں حکومتی اور پیپلز پارٹی کی مشترکہ کمیٹی کے ساتھ ہونے والی پہلے دور کی بات چیت، پیش رفت اور اٹھائے گئے نکات کے حوالے سے مکمل طور پر آگاہ کیا۔ اجلاس میں حکومتی پیشکشوں کا جائزہ لیتے ہوئے مذاکرات کو آگے بڑھانے اور درپیش سیاسی چیلنجز کے مقابلے کے لیے آئندہ کے مشترکہ لائحہ عمل پر تفصیلی تبادلہ خیال اور مشاورت کی گئی