سٹاک مارکیٹ میں اتار چڑھاؤ، ہنڈرڈ انڈیکس منفی زون میں بند ہوا

پاکستان اسٹاک ایکسچینج (PSX) میں ہفتے کے آخری کاروباری دن شدید اتار چڑھاؤ کے بعد کاروبار کا اختتام منفی زون میں ہوا۔ مارکیٹ کا آغاز مثبت انداز میں ہوا اور ابتدائی ٹریڈنگ کے دوران 100 انڈیکس میں 180 سے زائد پوائنٹس کا اضافہ دیکھا گیا، جس کے باعث انڈیکس 1 لاکھ 68 ہزار 818 پوائنٹس کی سطح تک چلا گیا۔

تاہم بعد ازاں انویسٹرز کی جانب سے منافع بپٹورنے (پرافٹ ٹیکنگ) اور فروخت کے دباؤ کے باعث مارکیٹ میں اچانک مندی کی لہر غالب آ گئی۔ ٹریڈنگ کے اختتام تک یہ مندی برقرار رہی اور 100 انڈیکس 481 پوائنٹس کی کمی کے ساتھ 1 لاکھ 69 ہزار 155 پوائنٹس کی سطح پر بند ہوا۔ واضح رہے کہ اس سے قبل بھی گزشتہ کاروباری دن کے اختتام پر انڈیکس 1,332 پوائنٹس کی نمایاں کمی کے ساتھ بند ہوا تھا۔