امریکا کا مشرق وسطیٰ میں 10 ہزار اضافی فوج بھیجنے کا فیصلہ

امریکہ نے ایران کے خلاف ممکنہ فوجی کارروائیوں اور مشرقِ وسطیٰ میں بڑھتی ہوئی کشیدگی کے تناظر میں خطے میں 10 ہزار اضافی فوجی، بحری بیڑے اور جدید جنگی طیارے بھیجنے کا باضابطہ فیصلہ کیا ہے۔ امریکی حکام کے مطابق اس نئی تعیناتی میں 7 ہزار سے زائد سیلرز اور 2 ہزار سے زائد میرینز شامل ہیں، جبکہ ‘یو ایس ایس تھیوڈور روزویلٹ’ کیریئر اسٹرائیک گروپ اور ‘یو ایس ایس میکن آئی لینڈ’ ایمفی بیئس ریڈی نیس گروپ بھی اس مشن کا حصہ ہیں۔ اس اقدام کے بعد اکتوبر کے آخر تک خطے میں 3 امریکی طیارہ بردار بحری بیڑے اور مجموعی طور پر 20 ہزار سے زائد بحری و برّی اہلکار موجود ہوں گے۔

امریکی صدر ڈونلڈ ٹرمپ نے ایران کے خلاف نئی عسکری کارروائی کے امکانات کو مسترد کرنے سے گریز کرتے ہوئے کہا ہے کہ نومبر کے امریکی انتخابات کے بعد ایران کے اندر بمباری میں اضافہ کرنا ممکن ہے۔ اس کے علاوہ انہوں نے اسرائیل جانے والی فلائی دبئی پرواز میں پیش آنے والے واقعہ کے تار ایران سے جڑنے کا دعویٰ کرتے ہوئے سخت جواب دینے کا انتباہ دیا ہے۔ صدر ٹرمپ نے تہران کی جانب سے پیش کی گئی تازہ ترین جنگ بندی تجویز اور آبنائے ہرمز کھولنے کی پیشکش کو بھی ناکافی قرار دے کر مسترد کر دیا ہے۔