تعلیمی اداروں میں منشیات کی روک تھام کے لیے اسپیشل یونٹ تشکیل

تعلیمی اداروں میں منشیات کی روک تھام کے لیے اسلام آباد پولیس نے بڑا اقدام اٹھاتے ہوئے اسپیشل برانچ کا اسپیشل انٹیلیجنس وِنگ تشکیل دیا ہے۔

رپورٹ کے مطابق اس خصوصی یونٹ کے اہلکار سادہ لباس میں تعلیمی اداروں اور ان کے اطراف میں نگرانی کریں گے اور منشیات سے متعلق سرگرمیوں کی مکمل انٹیلیجنس جمع کریں گے۔اہلکار اسکولوں، کالجوں اور یونیورسٹیوں کے ساتھ فوری کارروائی کے لیے بھی رابطے میں رہیں گے تاکہ کسی بھی مشکوک یا غیر قانونی سرگرمی کا بروقت سدباب کیا جا سکے۔مزید برآں، اسپیشل انویسٹی گیشن یونٹ منشیات کے مقدمات کی تفتیش، شواہد کے حصول اور نگرانی کا کام سرانجام دے گا۔ اسلام آباد پولیس نے اس حوالے سے رپورٹ اسلام آباد ہائیکورٹ میں بھی جمع کروا دی ہے۔