ارشد شریف قتل کیس میں حکومت کی پیشرفت رپورٹ وفاقی آئینی عدالت میں جمع

وفاقی آئینی عدالت میں سینئر اینکر پرسن ارشد شریف قتل کیس کی سماعت کے دوران حکومت کی جانب سے تفصیلی پیشرفت رپورٹ جمع کروائی گئی۔ رپورٹ میں حکومت کی جانب سے کیے گئے اقدامات اور جے آئی ٹی کی تحقیقات کی تفصیلات شامل ہیں۔

رپورٹ کے مطابق جے آئی ٹی نے صرف کینیا جا کر شواہد اکٹھے کرنے ہیں، جس کے بعد تحقیقات مکمل کر لی جائیں گی۔ ایڈیشنل اٹارنی جنرل نے عدالت کو بتایا کہ جے آئی ٹی کے موقع کا جائزہ لینے کے بعد تحقیقات فائنل ہو جائیں گی اور اس کے بعد کیس کی حتمی کارروائی ممکن ہوگی۔

وفاقی آئینی عدالت نے کیس کی مزید سماعت سردیوں کی تعطیلات کے بعد تک ملتوی کر دی۔ یاد رہے کہ گزشتہ سماعت پر عدالت نے حکومت کو ہدایت کی تھی کہ ارشد شریف قتل کیس کی پیشرفت رپورٹ جمع کروائی جائے۔