ٹرمپ نے مزید 20 ممالک کے شہریوں پر سفری پابندیاں عائد کر دیں، فہرست 35 تک پہنچ گئی
Web Desk
17 December 2025
امریکا کے صدر ڈونلڈ ٹرمپ نے قومی سلامتی کے خدشات کے پیش نظر مزید 20 ممالک کے شہریوں پر سفری پابندیاں عائد کرنے کا اعلان کر دیا ہے، نئی پالیسی کا اطلاق یکم جنوری سے ہوگا۔
وائٹ ہاؤس کے مطابق صدر ٹرمپ نے شام، جنوبی سوڈان، نائجر، مالی، برکینا فاسو اور فلسطینی اتھارٹی کی جانب سے جاری کردہ سفری دستاویزات رکھنے والے افراد کے امریکا میں داخلے پر مکمل پابندی عائد کر دی ہے۔
نئی پالیسی کے تحت ان ممالک سے تعلق رکھنے والے طلبہ، امریکی شہریوں کے اہلِ خانہ اور افغان اسپیشل امیگرنٹ ویزا رکھنے والے افراد بھی پابندی کی زد میں آئیں گے۔
جزوی سفری پابندی کا سامنا کرنے والے ممالک میں انگولا، انٹیگوا و باربوڈا، بینن، آئیوری کوسٹ، ڈومینیکا، گبون، گیمبیا، ملاوی، موریطانیہ، نائجر، سینیگال، تنزانیہ، ٹونگا، زیمبیا اور زمبابوے شامل ہیں۔
واضح رہے کہ صدر ٹرمپ اس سے قبل جون میں افغانستان سمیت 12 ممالک کے شہریوں پر پابندیاں عائد کر چکے ہیں۔ وائٹ ہاؤس کے باہر ایک افغان شہری کی فائرنگ سے دو نیشنل گارڈ اہلکاروں کی ہلاکت کے بعد صدر ٹرمپ نے ترقی پذیر ممالک سے امیگریشن محدود کرنے کا عندیہ دیا تھا۔
صدر ٹرمپ کے حالیہ فیصلے کے بعد سفری پابندیوں کا شکار ممالک کی تعداد بڑھ کر 35 ہو گئی ہے، جبکہ ٹرمپ انتظامیہ مزید 15 ممالک پر پابندیوں پر بھی غور کر رہی ہے، جن میں اکثریت افریقی ممالک کی ہے۔
وائٹ ہاؤس کے ترجمان کے مطابق امریکا ایسے غیر ملکیوں کے داخلے کو روکنا چاہتا ہے جو ملک کو غیر محفوظ یا غیر مستحکم بنا سکتے ہوں
متعلقہ عنوانات
پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا
22 November 2026
مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن
22 November 2026
12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی
22 November 2026
ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی
22 November 2026
استنبول: ساتویں عالمی ویمن سمٹ، اعظم نذیر تارڑ کی قیادت میں پاکستانی وفد کی شرکت
22 November 2026
پاکستان 23 سے 26 نومبر تک اسلام آباد میں نیوکلیئر سیکیورٹی نیٹ ورک کے 15ویں سالانہ اجلاس کی میزبانی کرے گا
22 November 2026
پاکستان تحریک انصاف خیبر پختونخوا کے اراکینِ قومی اسمبلی کا اسلام آباد میں اہم اجلاس
22 November 2026
نئے صوبوں کا قیام ملک کی ترقی اور سلامتی کیلئے ناگزیر ہے: مصطفیٰ کمال
22 November 2026