نقیب اللہ محسود قتل کیس: انسداد دہشت گردی عدالت کا تفصیلی فیصلہ جاری، استغاثہ الزامات ثابت کرنے میں ناکام، ملزمان بری

انسداد دہشت گردی عدالت نے ہائی پروفائل نقیب اللہ محسود قتل کیس کا تفصیلی فیصلہ جاری کر دیا ہے، جس میں عدالت نے استغاثہ کی کمزوریوں اور شواہد کے فقدان کی بنیاد پر ملزمان کو بری کر دیا ہے۔

عدالت کی جانب سے جاری کردہ تفصیلی فیصلے میں درج ذیل اہم قانونی نکات اور وجوہات بیان کی گئی ہیںاستغاثہ عدالت میں موجود سات ملزمان کے خلاف کوئی بھی براہِ راست عینی شہادت پیش کرنے میں مکمل طور پر ناکام رہا۔ اہم مغوی گواہان نے عدالت کے روبرو ملزمان کو شناخت نہیں کیا اور انہیں بطور اغوا کار پہچاننے سے قاصر رہے۔ دونوں گواہان کی جانب سے اپنے بیانات میں تاوان کی رقم طلب کیے جانے یا اس کی ادائیگی کا کوئی ذکر نہیں کیا گیا۔ پولیس حراست میں ملزمان کے مبینہ اعترافی بیانات چونکہ براہِ راست تفتیشی افسر کے سامنے دیے گئے تھے، اس لیے قانون کے تحت وہ قابلِ اعتماد قانونی شہادت نہیں بن سکتے کیونکہ پولیس افسر کے سامنے کیا گیا اعترافِ جرم قانوناً قابلِ قبول نہیں ہوتا۔ تفصیلی فیصلے میں واضح کیا گیا ہے کہ استغاثہ ملزمان پر عائد کردہ الزامات کو شک سے بالاتر ہو کر ثابت کرنے میں ناکام رہا، اور قانون کے مسلمہ اصول کے تحت شک کا فائدہ ملزمان کو دیا جاتا ہے۔ استغاثہ کے اہم گواہان کی گواہیاں ملزمان کو مبینہ جرائم کے ساتھ مضبوطی سے جوڑنے کے لیے ناکافی تھیں۔عدالت نے یہ بھی نوٹ کیا کہ موجودہ ملزمان کے خلاف استغاثہ کی جانب سے عدالت میں کوئی سابقہ مجرمانہ ریکارڈ بھی پیش نہیں کیا گیا۔ان تمام قانونی و عدالتی وجوہات کی بنا پر عدالت نے استغاثہ کا کیس کمزور قرار دیتے ہوئے ملزمان کو بری کرنے کا تفصیلی فیصلہ جاری کر دیا ہے۔