جناح ہاؤس حملہ کیس: فلک جاوید کو چار روزہ جسمانی ریمانڈ کے بعد انسداد دہشت گردی عدالت میں پیش کر دیا گیا

انسداد دہشت گردی عدالت میں جناح ہاؤس حملہ کیس کی سماعت جاری ہے، جس کے سلسلے میں پاکستان تحریک انصاف کی کارکن فلک جاوید کو چار روزہ جسمانی ریمانڈ مکمل ہونے کے بعد عدالت میں پیش کر دیا گیا ہے۔

پولیس کی جانب سے عدالت میں فلک جاوید کے جسمانی ریمانڈ میں مزید توسیع کی استدعا کی جائے گی۔ انسداد دہشت گردی عدالت کے جج منظر علی گل جسمانی ریمانڈ کی اس درخواست پر سماعت کریں گے اور تفتیشی افسر کی جانب سے پیش کی جانے والی پیشرفت رپورٹ کی روشنی میں آئندہ کا لائحہ عمل طے کیا جائے گا۔