چین اور امریکا اپنی عوام کی ترقی کیلئے کام کرنا چاہتے ہیں: صدر ٹرمپ

امریکی صدر ڈونلڈ ٹرمپ نے کہا ہے کہ چین اور امریکہ دونوں ہی اپنی عوام کی خوشحالی اور معاشی ترقی کے لیے مل کر کام کرنے کے خواش مند ہیں۔ چینی صدر شی جن پنگ کے اعزاز میں دیے گئے پروقار عشائیے سے خطاب کرتے ہوئے صدر ٹرمپ نے واضح کیا کہ واشنگٹن اور بیجنگ کے درمیان دیرینہ سفارتی تعلقات قائم ہیں اور اس وقت دونوں ممالک متوازن تجارتی تعلقات کے قائم کرنے پر عمل پیرا ہیں۔ انہوں نے بتایا کہ ملاقات میں سیکیورٹی چیلنجز اور سپر انٹیلی جنس جیسے حساس اور اہم عالمی امور پر تفصیلی گفتگو ہوئی ہے۔

اس موقع پر چینی صدر شی جن پنگ نے اپنے خطاب میں کہا کہ صدر ٹرمپ کے ساتھ متعدد اہم معاملات پر ہم آہنگی قائم ہوئی ہے، اور یہ بات روزِ روشن کی طرح عیاں ہے کہ دونوں ممالک کے مابین کسی بھی قسم کی محاذ آرائی دنیا کے لیے نقصان دہ ہوگی۔ انہوں نے اس بات پر زور دیا کہ دنیا کی ان دو بڑی طاقتوں کو باہمی احترام، برابری اور ہار جیت کے مقابلے سے بالاتر ہو کر تعلقات آگے بڑھانے چاہئیں۔ چینی صدر نے مصنوعی ذہانت (AI) کی تیز رفتار پیش رفت پر بات کرتے ہوئے کہا کہ ٹیکنالوجی کی یہ ترقی لازمی طور پر انسانی کنٹرول کے اندر ہونی چاہیے۔ وائٹ ہاؤس آمد پر چینی صدر کا شاندار استقبال کیا گیا، جہاں انہیں گارڈ آف آنر پیش کیا گیا اور لڑاکا و بمبار طیاروں نے فلائی پاسٹ کے ذریعے سلامی دی