اڈیالہ جیل کے اطراف سیکیورٹی سخت، واٹر کینن اور اضافی پولیس نفری تعینات

راولپنڈی میں اڈیالہ جیل کے اطراف سیکیورٹی کے انتظامات مزید سخت کر دیے گئے ہیں۔ سیکیورٹی خدشات کے پیشِ نظر پانی برسانے والی واٹر کینن کو اڈیالہ جیل کے گیٹ نمبر پانچ کے باہر پہنچا دیا گیا ہے۔

ذرائع کے مطابق پولیس کے اضافی دستے بھی اڈیالہ جیل کے گورکھپور ناکے پر تعینات کر دیے گئے ہیں، جبکہ جیل کے اطراف نگرانی مزید بڑھا دی گئی ہے۔انتظامیہ کا کہنا ہے کہ صورتحال پر کڑی نظر رکھی جا رہی ہے اور کسی بھی ناخوشگوار واقعے سے نمٹنے کے لیے تمام ضروری اقدامات مکمل کر لیے گئے ہیں۔