23 ستمبر سے ایرانی ایئرلائنز پر عالمی پابندی ہوگی: امریکی وزیر خزانہ

امریکی وزیر خزانہ اسکاٹ بیسنٹ نے بڑا اعلان کرتے ہوئے کہا ہے کہ 23 ستمبر سے تمام ایرانی ایئرلائنز کے دنیا بھر میں فلائٹ آپریشن پر مکمل پابندی عائد کر دی جائے گی۔ میڈیا سے گفتگو میں اسکاٹ بیسنٹ نے خبردار کیا کہ جو ہوائی اڈے یا ممالک ایرانی ایئرلائنز کو لینڈنگ یا دیگر خدمات کی اجازت دیں گے، انہیں امریکی ڈالر پر مبنی مالیاتی نظام (US Dollar Financial System) سے خارج کیا جا سکتا ہے۔

امریکی وزیر خزانہ کا کہنا تھا کہ چین ایران کے خلاف امریکی اقتصادی دباؤ کی مہم کو بہت قریب سے دیکھ رہا ہے۔ ایک سوال کے جواب میں انہوں نے کہا کہ وہ یہ طے نہیں کر سکتے کہ ایران کے ساتھ یہ تنازع کب تک جاری رہے گا، تاہم ان کا ماننا ہے کہ اس تنازع کے ختم ہوتے ہی شرحِ سود میں کمی آ جائے گی۔