ایران کو جوہری ہتھیار حاصل کرنے کی اجازت نہیں دی جاسکتی: جے ڈی وینس

امریکی نائب صدر جے ڈی وینس نے واضح طور پر کہا ہے کہ ایران کو کسی صورت بھی جوہری ہتھیار حاصل کرنے کی اجازت نہیں دی جا سکتی۔ میڈیا سے گفتگو کرتے ہوئے انہوں نے بتایا کہ صدر ڈونلڈ ٹرمپ نے ایران کو ایٹمی صلاحیت حاصل کرنے سے روکنے کے لیے موثر اقدامات کیے ہیں، جس کے جواب میں ایران نے عالمی بحری جہازوں اور بحری راستوں کو خوفزدہ کرنے کی کوشش کی، جس سے عالمی منڈی میں توانائی کی قیمتیں بلند ہوئیں۔ انہوں نے یقین دہانی کرائی کہ امریکی حکومت توانائی کی قیمتوں میں کمی اور عوام کو ریلیف فراہم کرنے کے لیے ہر ممکن اقدامات کر رہی ہے۔

نائب صدر جے ڈی وینس نے خبردار کیا کہ ایران کے پاس ایٹمی ہتھیاروں کا آنا خطے اور دنیا بھر میں نويں جوہری دوڑ کو جنم دے سکتا ہے، اسی لیے امریکا اس معاملے کو بنیادی اہمیت دے رہا ہے۔ وائٹ ہاؤس اور میڈیا کے درمیان جاری حالیہ تنازع پر گفتگو کرتے ہوئے انہوں نے وضاحت کی کہ صدر ٹرمپ میڈیا پر پابندی نہیں لگا رہے بلکہ پروپیگنڈا میں ملوث مخصوص اداروں کی خصوصی رسائی ختم کرنے کا فیصلہ کیا گیا ہے۔