زیلنسکی اور ٹرمپ کا ٹیلی فونک رابطہ، نیویارک میں ملاقات پر اتفاق

یوکرین کے صدر ولودیمیر زیلنسکی اور امریکی صدر ڈونلڈ ٹرمپ کے درمیان ٹیلی فون پر رابطہ ہوا ہے، جس میں دونوں رہنماؤں نے اقوامِ متحدہ کی جنرل اسمبلی کے اجلاس کے موقع پر نیویارک میں بالمشافہ ملاقات کرنے پر اتفاق کیا ہے۔ اپنے ایک جاری کردہ بیان میں یوکرینی صدر نے کہا کہ یہ مجوزہ ملاقات روس یوکرین جنگ کے پائیدار خاتمے اور سفارتی کوششوں کو آگے بڑھانے کے لیے انتہائی اہم اور سنگِ میل ثابت ہو سکتی ہے، کیونکہ جنگ کا پرامن حل یوکرینی حکومت کی اولین ترجیح ہے۔

صدر زیلنسکی نے یوکرین کے دارالحکومت کیف کا حالیہ دورہ کرنے پر امریکی نمائندوں سٹیو وٹکوف اور جیرڈ کشنر کا شکریہ ادا کرتے ہوئے بتایا کہ سفارتی سطح پر مثبت پیش رفت جاری ہے۔ انہوں نے مزید کہا کہ دونوں ممالک جنگ میں کشیدگی کم کرنے، توانائی کی بحالی، غذائی تحفظ اور دیگر بنیادی سیکیورٹی امور پر مل کر کام کر رہے ہیں اور یوکرین خطے میں امن و استحکام کی بحالی کے لیے ہر سنجیدہ قدم اٹھانے کے لیے مکمل طور پر تیار ہے۔